الدعاء والقران من اهم الحاجات اللي لازم يعرفها الطفل من صغره ويتعود عليها علشان لما
يكبر يكون ولد او بنت صالحين
وموضوع تعليم الدعاء للاطفال مش صعب خالص لان الاطفال في السن الصغير بيبقى عندهم ذاكره
قويه جدا بتخليهم
يحفظوا اي حاجه بيسمعوها باستمرار وعلشان نعرف الاطفال على الادعيه ونعود هم عليها لازم نشغلها
في البيت
باستمرار سواء في التلفزيون او على الموبايل للطفل وهو تلقائيا هيلاقي نفسه مركز معاها والذاكره
هتحفظ لا اراديا
الادعيه كلها مع الوقت
ومع تطور وسائل التكنولوجيا اصبح بعض الالعاب بتاعه الاطفال بتعلم الاطفال الادعيه عن طريق اصدار
اصوات للادعيه
عند الضغط على زرار معين وده بيخلي الطفل يتعلم الادعيه بشكل اسرع ويحفظها لانها بتكون
مرتبطه بالالعاب بتاعته
وكمان لانها مش بتكون مفروض عليه بالعكس ده هو اللي بيحب انه يسمعها وهو اللي
بيختار اللعبه دي
وفي طريقه كمان نقدر نعلم بها الاطفال الادعيه ودي بتكون عن طريق الام او الاب
وهم بيتكلموا مع اطفالهم
و بيعلموهم كلمات جديده ويرددوها وراهم يقولوا الادعيه من ضمن الكلمات دي و يخلي الطفل
يقول وراه وبكده
هيرتبط الدعاء بتفاعل الطفل مع امه و بعلاقته بيها وهيكون في ذاكرته اقوى
واخر طريقه ممكن نعلم بها الاطفال الادعيه ان الاب او الام يقعد قريب من الطفل
ويقولوا الادعيه دي بصوت عالي بدون
لفت انتباه للطفل في الحاله دي الطفل تلقائيا بيكون مركز مع حركات الام والاب وكل
كلامهم وهنا الطفل هياخد
باله من الادعيه اللي بتكررها الام بصوت عالي دائما باستمرار قدامه و هيعرفها ويحفظها وهيقلد
الام ويقول زيها
تعليم الدعاء للاطفال
ازاي تعلم طفلك الصغير الادعية
تعليم الادعية للطفل
